| 今日呢篇日記我相信會係我親手打過最長細一篇 點解呢? 因為6月30日係我ge放榜日.事至如今,己經3日啦,當中情緒變化的確好大. 希望將呢一份心情紀錄落黎,分享俾我認識ge朋友睇,同時亦希望將會應考a-level 考試ge同學仔睇到無論我識唔識你都好=) 由兩年前自己憑運氣入讀番母校ge中六開始,我答應自己兩年後呢個考試,無論佢幾困難都好,我都要捱過去,直升入我想要ge大學,正正因為會考後見到成績試過後悔,埋怨自己,我唔想再俾我有機會後悔. 由中三開始,有人同我講我數底唔好,邏輯唔好,唔o岩讀理科,但我當時"唔識死",始終以自己興趣行先,選左理科,中五開始,有人同我講F.6/7 理科考ge唔再係勤力,而係更高檔次ge聰明,或者天份,我依然"唔識死"重係選擇自己ge興趣再挑戰一次理科, 正正如此,我有左要努力ge準備,升中六暑假,開始預習課程, 雖然看似雄心壯志,但我卻仍然被課外活動吸引過去,後來Lai Sir勸我唔好,我先係兩個重要ge post入面放棄一個,為社服務係我一路想試ge野,我唔介意付出更多,但希望係自己於屯天最後一條路,為自己所屬社別爭一口氣,當中二擇一ge決定,我始終無後悔過. 當然中間亦要keep番住自己成績, 寧願花更多extra private time唔準自己退步. F.7開始,我就好俾心機讀書,通宵達旦,亦好多謝屋企人無限量支持我去做1D課外補習, 令我成績不停上升,當中滿足感我好開心,我不停逼自己,亦逼我身邊ge人XD. 說真的,我好享受當中同 同學一齊努力ge感覺.例如:bio group & 中化! 到我mock時,考到一份令我非常滿意ge校內成績,我有不停警告話自己聽 呢個只係過眼雲煙不能作準.必須係leave時再努力 好開心個時日日去自修室有一班朋友陪我,大家一齊努力ge感覺好好,我自問由細到大呢次考試我最博命,really tried my very best .然後每次考完試 我都覺得有一定信心 講到呢到.可能你以為我會成績好好.但turn out完全唔係一回事..我只拎到EEEDD,1d都唔興香ge成績,唯一與學校老師所評核而我可以驕傲ge就係中文文化專題我得到一枝火箭.但無奈我對耳仔同把口衰鬼左.加上實用文只有e.最後拉番只有d. 6月30號個時放榜個陣我見到之後心入面即刻爆一句粗口先, 然後非常冷靜,因為自己相對於其他同學黎講能夠拎full-cert己經算唔錯,但係久唔久見到d老師呀 eg家立 miss ngai 鄧sir 卓sir miss yuen miss hou依然忍唔住忍唔住. 問自己點解付出咁多依然考成咁? 反而1d付出比我少ge人可以1b1c.重有一個1a2b etc. 如果有人問我 我妒忌嗎?我可以答到佢 我妒忌,但我更嬲自己!因為上次考試知自己衰咩,今次特登avoid左,最後turn out左出黎係差到我自己expected唔到, 問題出係邊我自己都唔知,呢樣先係最最最最最最最最心痛... 運氣問題嗎? 咁我重讀一次未必有好ge運氣! take high risk..唔係運氣問題就係自己問題啦o卦?咁我依兩年讀生讀死都係讀到d咁ge成績出黎, 我9個月內retake要高兩個grade 似乎很難, 而且我的的確確唔想再跌一次,我跌唔起... 達唔到老師期望,達唔到父母期望,達唔到自己要求,入唔到大學,令我見到某d特定人物就會想喊, 唉~好"於",好多人見過我喊啦 /____\ 之前我令某位同學認為我極度冷靜ge完美形象冇啦..我諗見過我喊ge人>10個..唉/____\ 6月30號 同大家去散心 亦決定左大概條路點行! 多謝老師們 esp家立, 係我覺得好迷芒好迷芒個陣冇踩多我一腳..哈哈..原本以為佢會踩多兩腳..踩多兩腳重好,起瑪知自己做緊d咩.. consult左好多人,最後打定數想去樹仁讀a/c..岩ge,自己想做ge野嘛!重有個不可能任務等我完成,所以第2晚走左去排通宵樹仁順道當散心..反正開心的,可以大家傾下究竟我應該點行.. 然後個日累啦..一路睇下上網d例子, 一路問下老師朋友意見, 最後搵埋poly asso 做水泡..後來成功in左..a&f..第一次係a-level之外睇到自己原來重有用.. 諗番轉頭..可能我份人真係唔岩hk exam-oriented ge 教育模式..但係入大學ge心願唔會改變..只係要走一條更多曲折ge路去入大學..或者我會更開心呢? 理科商科我同樣喜歡. 希望無論去樹仔讀又好..poly asso又好..我都可以讀到自己喜歡ge野..咁樣我會花更多時間係讀書..最後都會係degree holder. 希望證明俾人睇.即使我a-level成績係垃圾,我都可以透過其他去獲取學位, impossible is nothing. 我唔想因為今日係hkale result 上面個3條e 去否定我ge成績,我的確有努力過.但問題係邊?唔知! 淨係知自己應該花多d心機係將來到..畢竟.將來靠自己創做.. 我想係呢度多謝所有f.7同班同學!! 因為你地每個都好好人,.我係呢班好開心.! 識到一班好多好同學! 都多謝陪我玩過課外活動ge老死姐妹.我無悔我的f.6/7生涯.我得到的友誼!學術上成績.絕對唔止我張cert上面印住ge英文字母. 都好多謝老師們一路提供 ge協助 esp卓sir啦..咁忙都教我地.. 最後for 中六同學 (stella cman): 加油啦!努力呀!唔好搞到好似我咁呀..jupas冇offer /_\ 4/7 心情輕鬆晒的tracy字 =) |
